Plantun de Prouvènço

Pèr coumpara dos planto d'encò nostre

Sedum monregalense & Schoenoplectus mucronatus

Sedum monregalense

Crassulaceae

Nom en français : Orpin de Montereale.

Descripcioun :
Aquéu rasin, di proun rare, trachis sus li roucas, dins li roucaio e esboudèu de mountagno dins lis Aup-d'Auto-Prouvènço (mai coumun en Itàli). Es uno planto renadivo en mato de 5 à 15 cm d'aut que fai proun de tijo esterlo. Li fueio soun sarrado e siegue óupousado, siegue verticilado pèr 4 ço que permés de la destria de si cousino. Li flour blanco soun en pinceloun (courimbo).

Usanço :
Lou rasin-de-Montereale es uno planto aparado marcado sus la listo roujo dins la categourìo LC : soucit minour.

Port : Erbo
Taio : 5 à 15 cm
Fueio : verticilado
Tipe bioulougico : Camefite
Cicle bioulougico : Planto renadivo

Gènre : Sedum
Famiho : Crassulaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 2200 m
Aparado : Noun
juliet à avoust

Liò : Roucas - Roucaio - Esboudèu
Estànci : Mountagnard à Subaupen
Couroulougi : Ouroufito-Èst-Éuroupenco
Ref. sc. : Sedum monregalense Balb., 1804

Triangle(-bencu)

Schoenoplectus mucronatus

Cyperaceae

Noms en français : Scirpe à écailles mucronées, Souchet mucroné.

Descripcioun :
Lou triangle-bencu s'atrovo quàsi pas au nostre aleva dins li risiero de Camargo ounte n'i'a à bóudre. Se recounèis à sa cambo en triangle, sis espigo groupado e subretout sa bratèio que souvènt part sus li coustat. I'a quàsi pas de fueio, soulamen la guèno (fotò) .

Usanço :
Aquéu triange nous èi bessai vengu emé lou ris qu'èi pas segur que restavo au nostre à passa tèms. Couneissèn pas d'usanço particuliero pèr aquelo planto. Escriéure au site se n'en sabès mai .

Port : Erbo
Taio : 30 à 80 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Schoenoplectus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 2,5 cm
Flourido : Estiéu

Sòu : Ca
Autour basso e auto : 0 à 400 m
Aparado : Noun
Juilet à setèmbre

Liò : Risiero - Estang
Estànci : Termoumediterran à Mesoumediterran
Couroulougi : Cousmoupoulito
Ref. sc. : Schoenoplectus mucronatus (L.) Palla, 1888 (= Scirpus lacustris L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sedum monregalense & Schoenoplectus mucronatus

ges

Coumpara Rasin(-de-Montereale) emé uno autro planto

Coumpara Triangle(-bencu) emé uno autro planto